Në mesin e një situate të nxehtë politike me deklarata publike dhe “sulme” ndaj njëri-tjetrit, Rama dhe Meta janë takuar këtë mbrëmje.
Vendimi mbi koalicionin PS-LSI, “presidenti i ri” por edhe aktualiteti politik mendohet se kanë qenë në fokus të këtij takimi mes dy liderëve kryesorë të së majtës. Ky takim vjen një ditë pas miratimit në Kuvend të 3 emrave të maxhorancës për komisionin e vettingut dhe një ditë para seancës plenare të së enjtes.
Ndërkohë, kreu i LSI-së propozoi pak ditë më parë që të krijohej qeveria e besimit dhe se zgjedhjet pa opozitën nuk do kishin kuptim. Pavarësisht se kryeministri Edi Rama i bëri thirrje për dialog kreut të opozitës, Lulzim Bashës, që të ulën në një tryezë për të arritur konsensusin, deri më tani asgjë nuk ka ndodhur mes palëve.
